abu zabi weliehdi shahzadisi enqere ziyaritini bashlidi

türkiye awazi radiyosi xewiri: abu zabi weliehdi shahzadisi sheyx muhemmed bin zayid alnahyan enqere esebogha ayrodurumida soda ministiri mehmet mush we bashqa munasiwetlik rehberler teripidin kütüwélindi.

bin zayid alnahyan jumhur reislik sariyida rejep tayyip erdoghan teripidin resmiy murasim bilen kütüwélindi.

rejep tayyip erdoghan bilen bin zayid alnahyan heyetler ara körüshüshtin kéyin, kélishimlerge imza qoyidu.

jumhur reislik uchur-alaqe idarisining bayanatida körsitilishiche, körüshüshlerde türkiye bilen ereb birleshme xelipiliki otturisidiki munasiwetler barliq terepliri bilen tepsiliy közdin kechürülidighan bolup, özara hemkarliqlarni tereqqiy qildurush üchün bésilidighan qedemler muzakire qilinidiken.

körüshüshlerde, ikki terep munasiwetliridin bashqa, rayonning nöwettiki weziyiti we xelqaraliq mesililer üstide öz ara pikir almashturulidighanliqi perez qilinmaqta.

bin zayid alnahyanning ziyariti dairiside, ikki dölet otturisiida soda, énérgiye we muhit saheliride özara hemkarliqlarni kücheytidighan kélishimlerdin bashqa, türkiyege biwaste sélinidighan mebleghlerni öz ichige alghan kélishimlermu imzalinidu.

ereb birleshme xelipiliki sanaet we yuqiri téxnologiye ministiri sultan eljebir bu qétimqi ziyaretning aisasiy meqsitining, soda-sanaet hemkarliqlirini kücheytip, dawamlashturghili bolidighan we muweppeqiyetlik sélinmilar yoli bilen iqtisadiy qimmetlerni yaritish ikenlikini qeyt qildi.

u yene, türkiye bilen énérgiye, sehiye, yéza igiliki, qatnash-tiransiport, ul-eslihe, pul-muamile we sayahetchiliktin bashqa, kilimat özgirishi, énérgiye, su we yémek-ichmek bixeterliki mesililiride hemkarliqlarni algha sürüp, téximu köp meblegh sélish we hemkarliqlar üchün yéngi nishanlarni belgileshke teyyar ikenliklirini bildürdi.