erdoghan xelqara jinayi ishlar saqchi teshkilati yighinigha sinliq télégramma yollidi

türkiye awazi radiyosi xewiri: erdoghan, sinliq télégrammisida, qachqun fethullahchi térrorluq teshkilati unsurliri we bölgünchi térrorluq teshkilatining kattibashlirining türkiyege qayturup bérilishide bashqa döletlerdin küchlük hemkarliq ornitishini kütüwatqanliqlirini éytti.

xelqara jinayi ishlar saqchi teshkilatining 89 – nöwetlik omumiy kéngesh yighini, istanbulda bashlandi.

xelij yighin zalida ötküzülgen échilish murasimigha, ichki ishlar ministiri sulayman soylumu ishtirak qildi.

jumhur reis rejep tayyip erdoghan, yighingha yollighan sinliq télégrammisida, mundaq dédi: «bolupmu qachqun fethullahchi térrorluq teshkilati unsurliri we bölgünchi térrorluq teshkilatining kattibashlirining türkiyege qayturup bérilishide bashqa döletlerdin küchlük hemkarliq ornitishini kütüwatimiz, (2016 – yili 15 – iyul herbiy – siyasiy özgirish teshebbusi arqiliq )démokratiyege qest qilghan, er - ayal, nariside bala, qéri – yash we dölet xadimi démestin mesum insanlarni qetl qilghan térrorchilarning xuddi héch ish bolmighandek erkin – azade aylinip yürüshlirige yol qoyulmasliqi lazim.»

igilinishiche, xelqara jinayi ishlar saqchi teshkilatining bu yilqi omumiy kéngesh yighinigha, ministir, muawin ministir, meslihetchi, xelqaraliq teshkilatlarning wekili derijilik bolup, jemiy 160 tin artuq dölettin wekil qatnashmaqta iken.

omumiy kéngesh yighini dairiside, xelqara jinayi ishlar saqchi teshkilatining rehbiri, muawin rehberliri we ijraiye komitétining ezaliri, istanbulda ötküzülidighan saylam arqiliq békitilidiken.