milliy istixbarat teshkilati liwiyedin 7 türkiye puqrasini qutquzup türkiyege élip keldi
milliy istixbarat teshkilatining qatar istixbarat teshkilati bilen birlikte élip barghan xizmetliri netijiside, 7 puqra türkiyege élip kélindi.
türkiye awazi radiyosi xewiri: liwiyening sherqide asassiz eyibleshler bilen texminen 2 yildin béri tutup turuluwatqan 7 türkiye puqrasi, milliy istixbarat teshkilatining qatar istixbarat teshkilati bilen ortaq tirishchanliq körsitishi netijiside qutquzuwélindi.
asasen dégüdek ristoranchiliq saheside ish qilidighan ilker saghliq, dogan qissa, nurettin chalik, xalil güzel, ehmet selwi, hidayet yapraq we abdul semet akchay qatarliq puqralarni qutquzush üchün tashqi ishlar ministirliqi we milliy istixbarat teshkilati teripidin élip bérilghan uzun muddetlik tirishchanliq muweppeqiyet qazandi.
qatar istixbarat teshkilatimu töhpe qoshqan xizmet netijiside, türkiye puqraliri döletke qayturup kélindi.
bu ariliqta, jumhur reis rejep tayyip erdoghan yurtlirigha qaytqan puqralar bilen téléfonda körüshüp hal soridi.
puqralarmu döletning bu jeryanda yéqindin köngül bölgenliki üchün jumhur reis erdoghangha rehmet éytti.
jumhur reis erdoghan yene, puqralarning döletke qayturup kélinishige töhpe qoshqanlarghimu minnetdarliqini bildürdi we tebriklidi.
