akar: térrorluqni yoqitishta qetiy qarargha igimiz

türkiye awazi radiyosi xewiri: dölet mudapie ministiri hulusi akar qeyseridiki erjiyes uniwérstétining medeniyet merkizi we erjiyes uniwérstéti 2021-2022-yilliq oqu-oqutush akadémik yilining échilish murasimigha qatnashti.

u türkiye armiyesining süriye we iraqning shimalida qiliwatqan muweppeqiyetlik herbiy heriketlirining, chégralar we xelqning bixeterlikini kapaletke ige qiliwatqanliqini, jenubiy chégralarda qurulmaqchi bolghan térrorluq karidorining aldini élip, buninggha yol qoyulmaydighanliqini keskin otturigha qoyghanliqini eskertti.

u türkiye armiyesining chégra halqighan herbiy heriketlirining netijiside, 1 milyondin artuq süriyelikning bixeter halda öz yurtlirigha qaytishining kapaletke ige bolghanliqini qeyt qildi.

u: «dölitimiz 9 milyon süriyelikning insanperwerlik éhtiyajlirini qamdawatidu. bu herbiy heriketler qilinmighan bolsa, dölitimiz we rayonimiz téximu chong tehdit hemde xeterlerge duch kelgen bolatti. herbiy heriketlirimiz eng axirqi bir térrorist yoqitilghiche shiddetlik halda we qoshnilirimizning zémin pütünlükige hörmet qilinghan asasta dawamlishidu»dédi.

u sözini mundaq dawamlashturdi:

«biz peqet térrorluq we térroristlar bilenla küresh qiliwatimiz. térrorist qeyerde bolsa, nishan shu yer bolidu. p k k dégenlik y p g dégenlik bilen barawer. y p g ning p k k din héchqandaq perqi yoq. buning mushundaq éniq bilinishi lazim. 40 yildin buyan türkiyening énérgiyesini xoratqan térrorluqni yoqitip, xelqimizni bu térrorluq balasidin qutquzush iradimiz qetiy. buni taghdikilermu, gharlardikilermu bildi. bularning hamiyliriningmu bilishini ümid qilimiz.»