türkiye yunésko ijraiye kéngishining ezaliqigha saylandi

türkiye awazi radiyosi xewiri: türkiye tashqi ishlar ministirliqi türkiyening yuniésko ijraiye kéngishining ezaliqigha saylanghanliqi toghrisida bayanat élan qildi.

bayanatta, yunéskoning 41-nöwetlik omumiy kéngishi yighini ramkisida tünügün (2021-yili 17-noyabir) ötküzülgen saylamda, 2021-2017 mezgilide yunésko ijraiye kéngishining ezasi bolghan türkiyening,  2025-2021 mezgili üchün yene qaytidin saylanghanliqi bildürüldi.

bayanatta: «türkiye ijraiye heyitining ezasi bolush süpiti bilen yunéskoning paaliyiti we qimmet qarishini kücheytishke dawamliq töhpe qoshidu» déyildi.

bayanatta, türkiyening yene bir nöwetlik yunésko ijraiye heyitining ezaliqigha saylinishining, uning aldinqi mezgildiki aktip we muweppeqiyetlik ipadisining netijisi, shundaqla dunya sewiyeside maarip, ilim-pen we medeniyet qimmet qarishi üchün qoshqan töhpisining netijisi ikenliki körsitildi.

yunéskogha 195 dölet eza bolup, türkiye 158 döletning awazini aldi we qarar chiqiridighan méxanizmdiki 58 döletning birige aylandi.

ijraiye kéngishi 58 eza dölettin terkib tapqan bolup, kéngeshning wezipe ötesh mudditi töt yil bolidu we saylanghan mezkur kéngesh yilda ikki qétim yighin achidu.