ақар һәсәнов билән телефонлашти

дөләт мудапиә министири хулуси ақар әзәрбәйҗан дөләт мудапиә министири закир һәсәнов билән телефонда көрүшти.

1734971
ақар һәсәнов билән телефонлашти

түркийә авази радийоси хәвири: әзәрбәйҗан дөләт мудапиә министирлиқиниң билдүрүшичә, икки министирниң телефон сөһбитидә, әзәрбәйҗан дөләт мудапиә министири закир һәсәнов, әрменийә чеграсида йүз бәргән сүркилиш һәққидә түркийә дөләт мудапиә министири хулуси ақарға мәлумат бәргән, һәмдә әрменийәниң иғвагәрчиликигә қәтий ирадә билән тақабил турулғанлиқини әскәрткән.

ақар болса, һәрдаимқиға охшашла бүгүнму түркийәниң әзәрбәйҗанниң йенида икәнликини тәкитлигән.

әрменийә армийәсиниң чегра районида бир қисим төпиликләрни қолға чүшүрүп, техиму пайдилиқ нуқтиларға еришиш мәқситидә түнүгүн шу җай вақти 11: 00 дә лачин вә кәлбәҗәр  йөнилишидә һуҗум башлатқан,  һуҗумда икки әзәрбәйҗан әскири йариланғаниди.

әзәрбәйҗан армийәсиму охшаш йөнилиштә һәрбий һәрикәт башлатқан, һуҗум қозғиған әрменийә әскәрлири қоралсизландурулуп, қолға елинғаниди.



مۇناسىۋەتلىك خەۋەرلەر