түркийә-америка мудапиә министирлиқлири оттурисидики учришиш иҗабий өтти

түркийә авази радийоси хәвири: дөләт мудапиә министирлиқи америкада өткүзүлгән һәрбий вәкилләр өмики учришишиниң иҗабий муһитта йахши өткәнликини һәмдә келәр қетимлиқ учришишниң түркийәдә өткүзүлүшигә даир пикир бирлики һасил қилинғанлиқини елан қилди.

министирлиқниң байанатида, түркийә-америка дөләт мудапиә министирлиқлири оттурисидики йуқири дәриҗилик мудапиә гурупписи йиғининиң вашингтонда өткүзүлгәнлики билдүрүлди.

йиғин һәққидики байанатта, «иҗабий муһитта йахши өтти, йиғинда һәрбий вәкилләр өмики оттурисида икки тәрәплик вә районлуқ мудапиә шундақла бихәтәрлик мәсилилиригә даир пикир алмаштурулди. келәр қетимлиқ учришишниң түркийәдә өткүзүлиши һәққидә пикир бирлики һасил қилинди» дегән сөзләр ишлитилди.