erdoghan rimgha qarap yürüp ketti

jumhur reis rejep tayyip erdoghan 20 dölet guruhi bashliqlar yighinigha ishtirak qilish üchün italiyening paytexti rimgha qarap yürüp ketti.

1726724
erdoghan rimgha qarap yürüp ketti

türkiye awazi radiyosi xewiri: jumhur reis erdoghanni rim fumichino léonardo da winchi xelqara ayrodurumida türkiyening rimda turushluq bash elchisi ömer güjük we türkiyening watikan bash elchisi lutfulla göktash, shundaqla rim we watikan elchixanilirining xizmetchiliri kütüwaldi.

bashliqlar yighini dairiside resmiy kütüwélish murasimi we 20 dölet guruhi aile süritige chüshüsh paaliyetlirige qatnishidighan jumhur reis  erdoghan «yer shari iqtisadi we yershari saghlamliqi» we «ottura, kichik tiptiki karxanilar bilen ayallar igidarchiliqidiki karxanilarni qollash» témiliq yighinigha we chüshlük ziyapetke ishtirak qilidu.

erdoghan rehberler bilen ayrim uchrishishlarni ötküzidu, italiye bash ministiri mariyo diragi sahibxanliqidiki medeniyet paaliyitige, hemde italiye pirézidénti sérgiyo mattaréllaning wekiller ömekliri bashliqlirigha béridighan  kechlik ziyapetkimu qatnishidu.



مۇناسىۋەتلىك خەۋەرلەر