türkiye chégradin qoghlap chiqarghan chet ellik térrorchilargha dair sanliq melumatlar élan qilindi

türkiye awazi radiyosi xewiri: türkiye jumhuriyiti ichki ishlar ministirliqi yazma bayanat élan qilip, p k k/ p y d we daésh qatarliq térrorluq teshkilatlirigha qatnishish üchün kelgen chet ellik térrorchilarni chégradin qoghlap chiqirish xizmetlirining dawam qiliwatqanliqini uqturdi.

bayanatta, 2011 – yili süriyede ichki urush bashlanghandin buyan türkiyening 102 dölettin kelgen jemiy 8585 chet ellik térorchini chégradin qoghlap chiqarghanliqi tekitlendi.

chégradin qoghlap chiqirilghan chet ellik térrorchilarning dölet tewelikige qarighanda, 2011  - yilidin buyan amérika qoshma ishtatliridin 44, yawropa ittipaqigha eza döletlerdin 1075 térrorchi chégradin qoghlap chiqirilghan.

bayanatta, 2019 - yili yawropa ittipaqidiki 12 dölettin kelgen 126, ötken yili 8 yawropa ittipaqi dölitidin kelgen 95 térrorchining döletlirige qayturuwétilgenlikige isharet qilinip, bu yilning aldinqi 10 ayliq mezgilide yawropa ittipaqi döletliridin kelgen 61 chet ellik térrorchining chégradin qoghlap chiqirilghanliqi bildürüldi.

yéqinqi üch yilda öz döletlirige qayturulghan chet ellik térrorchilarning dölet tewelikige qarighanda, firansiye, gérmaniye, gollandiye, bélgiye, finlandiye, shiwétsiye, rominiye we engliye aldinqi 8 orunni igileydiken.