jumhur reislik mehkimisi uchur – alaqe ishliri idarisi rimda söhbet yighini achidu
türkiye jumhuriyiti jumhur reislik mehkimisi uchur – alaqe ishliri idarisi, italiyening paytexti rimda söhbet yighini ötküzidu.
türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisi, 10-ayning 30-, 31-künliri italiyening paytexti rimda ötküzülüshi pilanliniwatqan 20 dölet guruhi bashliqlar uchrishishidin ilgiri, «kowid -19 din kéyinki yer sharining bashqurulushi: türkiyening téximu barawer, adil, chidamchan we sijil dunya berpa qilish tesewwuri» dégen témida söhbet yighini ötküzidu.
söhbet yighinida, kowid -19 yuqumidin kéyin barliqqa kelgen yéngi dunya tertipide türkiyening yer sharini bashqurush usuligha qarita tutidighan pozitsiyesi, 20 dölet guruhi we birleshken döletler teshkilatining roli, hemde türkiyening b d t islahati toghrisidiki teklipliri muzakire qilinidu.
söhbet yighinida yene, kélimat özgirishi, yéngiliq yaritishni qollash, namratliq we tengsizlikni yéngishning yolliri, iqtisad we pul-muamile saheside yer shariwi bashqurushni kücheytishning yolliri qatarliq küntertiptiki nurghun mesililer muhakime qilinidu.
söhbet yighini jeryanida G-20 bashliqlar yighini we küntertiptiki témilar toghrisida munasiwetlik sahelerning mutexessisliri bilen söhbetler ötküzülidu.
