erdoghan ezerbeyjangha yürüp ketti

türkiye awazi radiyosi xewiri: ezerbeyjan pirézidénti ilham eliyéwning teklipige biinaen, etigen tereplerde enqere esenbogha ayrodurumidin ezerbeyjangha yürüp ketken jumhur reis erdoghangha ziyaritide, tashqi ishlar ministiri mewlüt chawushoghlu, qatnash we qurulush ishliri ministiri adil qaraismailoghlu, dölet mudapie ministiri xulusi aqar, muhit asrash we sheher – bazarlashturush ministiri murat qurum, jumhur reislik mehkimisi uchur - alaqe ishliri idarisining bashliqi fahrettin altun we jumhur reislik mehkimisi bayanatchisi ibrahim qalin qatarliqlar hemrah boldi.

igilinishiche, jumhur reis erdoghan, ezerbeyjan pirézidénti ilham eliyéw bilen birlikte, weten urushi netijiside ishghaldin azad qilinghan fuzulidiki qurulushi yéqinda pütken xelqara ayrodurumning échilishigha, hemde rayonda yasalghan tash yolini we zengilanda türkiyeningmu töhpiliri arqiliq berpa qilinidighan eqilliq yéza igilik rayoni qurulushini ishqa kirishtürüsh murasimlirigha qatnishidiken.

jumhur reis erdoghanning ziyariti dairiside, türkiye – ezerbeyjan munasiwetliri közdin kechürülidiken, ikki dölet otturisidiki hemkarliqni yenimu yüksek sewiyege yetküzüsh üchün tashlinidighan qedemler heqqide muzakire élip bérilidiken.

uchrishishlarda, ikki dölet munasiwetliridin sirt yene, kündilik, rayonluq we xelqaraliq özgirishler heqqide özara pikir almashturulushi mölcherlenmekte iken.