jumhur reis erdoghan ezerbeyjanda

jumhur reis rejep tayyip erdoghan bir künlük xizmet ziyaritide bolush üchün ezerbeyjangha yétip bardi.

1725226
jumhur reis erdoghan ezerbeyjanda

türkiye awazi radiyosi xewiri: jumhur reis rejep tayyip erdoghan olturghan ayropilan, ezerbeyjan ishghaldin azad qilghan térrotériyelerde berpa qilghan tunji ayrodurum bolghan fuzuli xelqara ayrodurumigha qondi.

ezerbeyjan pirézidénti ilham eliyéw teripidin qizghin qarshi élinghan jumhur reis erdoghan, olturghan ayropilani fuzuli xelqara ayrodurumigha qonghan tunji dölet bashliqi boldi.

yéngi  ayrodurumning échilishida linta kesken jumhur reis erdoghan bilen ezerbeyjan pirézidénti ilham eliyéw, kéyinche, ayrodurum binasini aylinip, alaqidar tarmaqlardin ayrodurum heqqide uchur igilidi.

jumhur reis erdoghan, ziyariti dairiside eliyéw bilen birlikte ehmedbeyli – fuzuli – shusha, ehmedbeyli – xoradiz – minjiwan – aghbend döletlik tash yoli qurulushini ishqa kirishtürüsh murasimigha qatnashti.

igilinishiche, ikki rehber, zengilanda türkiyeningmu  töhpiliri arqiliq berpa qilinidighan eqilliq yéza igilik rayoni qurulushini ishqa kirishtürüsh murasimlirigha qatnishidiken.

jumhur reis erdoghanning ziyariti dairiside, türkiye – ezerbeyjan munasiwetliri közdin kechürülidiken, ikki dölet otturisidiki hemkarliqni yenimu yüksek sewiyege yetküzüsh üchün tashlinidighan qedemler heqqide muzakire élip bérilidiken.

uchrishishlarda, ikki dölet munasiwetliridin sirt yene, kündilik, rayonluq we xelqaraliq özgirishler heqqide özara pikir almashturulushi mölcherlenmekte iken.



مۇناسىۋەتلىك خەۋەرلەر