ئاقار بۇلغارىيە دۆلەت مۇداپىئە مىنىستىرى بىلەن كۆرۈشتى

دۆلەت مۇداپىئە مىنىستىرى خۇلۇسى ئاقار بۇلغارىيە دۆلەت مۇداپىئە مىنىستىرى گېئورگىي پانايوتوۋ بىلەن كۆرۈشتى.

1723633
ئاقار بۇلغارىيە دۆلەت مۇداپىئە مىنىستىرى بىلەن كۆرۈشتى

ركىيە ئاۋازى رادىيوسى خەۋىرى: ئاقار، شىمالىي ئاتلانتىك ئەھدى تەشكىلاتى دۆلەت مۇداپىئە مىنىستىرلىرى يىغىنىغا قاتنىشىش ئۈچۈن يېتىپ بارغان ناتو قارارگاھىدىكى تۈرلۈك ئۇچرىشىشلىرى دائىرىسىدە، بۇلغارىيە دۆلەت مۇداپىئە مىنىستىرى گېئورگىي پانايوتوۋ بىلەن كۆرۈشتى.

ئۇچرىشىشتا، ئىككى تەرەپ مۇناسىۋەتلىرى، رايونلۇق مۇداپىئە، بىخەتەرلىك مەسىلىلىرى ھەققىدە ئۆزئارا پىكىر ئالماشتۇرۇلدى، داۋاملىق ئۇچۇر - ئالاقە قىلىش توغرۇلۇق بىردەكلىك ھاسىل قىلىندى.

ئاقار، بۇنىڭدىن بۇرۇنمۇ ناتو قارارگاھىدا تۈرلۈك ئۇچرىشىشلارنى ئېلىپ بارغان، ئالدى بىلەن، ئەنگلىيە دۆلەت مۇداپىئە ۋەزىرى بېن ۋاللېس بىلەن كۆرۈشكەن، ئاندىن ئامېرىكا قوشما ئىشتاتلىرى دۆلەت مۇداپىئە مىنىستىرى للويىد جەميس ئاستىن بىلەن بىر يەرگە جەم بولغانىدى.

ئۇچرىشىشتا، ئىتالىيەنىڭ پايتەختى رىمدا 30 – 31 – ئۆكتەبىر كۈنلىرى چاقىرىلىدىغان 20 – گ گۇرۇھى باشلىقلار يىغىنى ھارپىسىدا ئىجابىي كۈنتەرتىپ شەكىللەندۈرۈش ئۈچۈن تېگىشلىك تىرىشچانلىقلارنى كۆرسىتىش توغرۇلۇق مۇزاكىرە ئېلىپ بېرىلغانىدى.

كېيىنچە، گىرېتسىيە دۆلەت مۇداپىئە مىنىستىرى نىكولاس پاناگىيوتوپۇلوس بىلەن كۆرۈشكەن مىنىستىر ئاقار، تۈركىيە - گىرېتسىيە ئوتتۇرىسىدىكى ئىشەنچنى كۈچەيتىش تەدبىرلىرى دائىرىسىدە پايتەخت ئەنقەرەدە ئۆتكۈزۈلۈشى پىلانلىنىۋاتقان 4 – قېتىملىق يىغىن ئۈچۈن گىرېتسىيە ھەيئىتىنىڭ كۈتۈلۈۋاتقانلىقىنى قەيت قىلغانىدى.



مۇناسىۋەتلىك خەۋەرلەر