түркийә нигерда йүз бәргән террорлуқ һуҗумини әйиблиди
түркийә нигерийәниң сокото өлкисидики бир базарда йүз бәргән қораллиқ һуҗумни қаттиқ әйиблиди.
1721643
түркийә авази радийоси хәвири: түркийә җумһурийити ташқи ишлар министирлиқи йазма байанат елан қилип, 2021 – йили 18 – өктәбир нигерийәниң сокото өлкиси горонйо районидики бир қайнақ базарда садир қилинған террорлуқ һуҗумида кәм дегәндә 43 адәмниң қаза қилғанлиқи вә нурғун адәмниң йариланғанлиқидин қайғуруш ичидә вақип болғанлиқини билдүрди.
байанатта: «бу қәбиһ террорлуқ қилмишини қаттиқ әйибләймиз, һайатидин айрилғанларниң аилә-тавабиатлири билән дост вә қериндаш нигерийә хәлқи вә һөкүмитидин сәмимий һал сораймиз, йариланғанларниң саламәтликиниң тезрәк әслигә келишигә тиләкдашмиз» дегән ибариләргә орун берилди.
