dunya sözlishishke, munazirege, ortaq pikir yürgüzüshke, pikir almashturushqa mohtaj

türkiye awazi radiyosi xewiri: t r t bash mudiri mehmet zahid sobaji bu yil (2021) torda «küch we paradoks: 21-esirdiki büyük istratégiyeni chüshinish» témisida ötküzülgen <<2021 t r t  world munbiri>> ning échilish nutqini sözlidi.

u 30 din artuq dölettin 100 ge yéqin söz qilghuchini kütüwalghan t r t world munbiride, ikki kün boyiche barliq insaniyetke munasiwetlik dunyawi mesililerning muhakime qilinidighanliqini bildürüp, dunyaning her qandaq waqittikidin bekrek sözlishishke, munazirege, ortaq pikir yürgüzüshke, pikir almashturushqa we yéngi tonushni tereqqiy qildurushqa mohtaj ikenlikini tekitlidi.

20-esirning axirliridin tartip döletlerning ilgiri duchar bolmighan, pütkül insaniyetke munasiwetlik bir qatar ortaq mesililerge duch kelgenlikini bildürüp, mundaq dédi:

<<yer shari xaraktérlik térrorizm, wuxen wirusi (Kovid-19), ékologiyelik apetler, yer sharining issip kétishi, intérnét tor jinayetliri we tor hujumliri, ammiwi köchmenler we kirim teqsimati qatarliq dölet chégrasidin halqighan murekkep mesililer, yershari siyasiy-iqtisadiy sistémisini köp tereplimilik krizisqa we tehditlerge duchar qildi. bügünki künde xelqaraliq sewiyede mesililerning hel qilinishi üchün özara hemkarliq we özara tayinishni aldinqi pilangha chiqardi. yer shari iqtisadiy we siyasiy tertipning ünümlük bolushi, yuqiri sewiyelik, etrapliq we üzüksiz dunyawi hemkarliqni asas qilishqa baghliq.>>

u t r t world munbiri bilen, dunyawi we rayon xaraktérlik mesililerni köp qutupluq we köp tereplimilik nuqtiiynezerde xelqara jemiyetning küntertipige élip kelgenliklirini bildürüp: <<biz insanni merkez qilghan axbaratchiliq qilish chüshenchimiz bilen, artuqchiliqqa ige jughrapiyelerning, jemiyet we shexslerning sadasi bolushqa tirishimiz. axbaratchiliq pirinsipimizgha asasen,  dunyamizgha tehdit salidighan barliq kirizislargha köngül bölidighanliqimizni téléwiziye we radiyo qanallirimiz, dijital supilirimiz arqiliq yette qitege 41 tilda yetküzimiz>> dédi.

u bu musapide axbaratchilarghimu chong mesuliyetlerning chüshidighanliqini tekitlidi we mundaq dédi:

«bügünki mesililerni yorutup béridighan, ijtimaiy we dunyawi tonushni ashurushqa hesse qoshidighan yéngi axbaratchiliq éngi, reqemlik bashqurush dewrining ayrilmas bir qismigha aylandi. bu menidin éytqanda, biz t r t world munbirini kélechekning shekillinishide eqliy munazire supisi dep körimiz. >>