aqar: térrorgha qarshi qedemler waqti kelgende tashlinidu
aqar armiye bash ishtab bashliqi général – polkownik yashar güler, her qaysi qisimlarning qomandanliri we dölet mudapie uniwérsitétining memuriy we herbiy xadimlirining ishtirak qilishi bilen muhakime yighini achti.
türkiye awazi radiyosi xewiri: türkiye jumhuriyiti dölet mudapie ministiri xulusi aqar, p k k / y p g térrorluq teshkilatining süriyening shimalidin qilghan hujumliri toghrisida bayanat bérip: «hoquq we menpeetimizni qoghdash üchün qilishqa tégishlik qandaq ish bolsa, hörmetlik jumhur reisimizning rehberlikide hazirghiche qandaq ijra qilinghan bolsa, orni we waqti kelgende oxshash shekilde ada qilinidu. héchkim buningdin gumanlanmasliqi kérek» dédi.
aqar yighinda, iraq we süriyening shimali, ege, sherqiy aqdéngiz we qibristiki barliq özgirishlerni yéqindin közitiwatqanliqlirini tekitlidi.
«aliyjanab millitimizning heqqi we hoquqining her bir zerrisini qoghdash bizning mejburiyitimiz» dégen aqar, sözini dawamlashturup: bu yolda qilinishqa tégishlik ishlarni buningdin ilgiriki oxshashla buningdin kéyinmu qilishni dawamlashturidighanliqlirini sözlirige ilawe qildi.
