amérika «türkiyege qaritilghan hujum»ni eyiblidi
amérika qoshma ishtatliri süriyede shéhit qilinghan ikki türk saqchining aile-tawabiatliridin hal soridi we hujumni eyiblidi.
türkiye awazi radiyosi xewiri: amérika tashqi ishlar ministirliqi bayanatchisi néd prays kündilik axbarat élan qilish yighinida, bölgünchi térorluq teshkilati y p g / p k k ning türkiyege qilghan hujumi toghrisida toxtaldi.
bayanatchi néd prays y p g / p k k ning ismini tilgha almastin: «biz nato (shimaliy atlantik ehdi teshkilati)diki ittipaqdishimiz türkiyege chégra sirtidin qilinghan hujumlarni eyibleymiz, hemde süriyede öltürülgen ikki türk saqchining aile-tawabiatliridin hal soraymiz» dédi we sözini dawamlashturup: «her qaysi tereplerning urush toxtitish belgilimisige emel qilishi, süriyening muqimliqini kücheytip, siyasiy hel qilish charisi tépish üchün tirishishi nahayiti muhim» dégenlerni qeyt qildi.
u yene: «türkiye bizning shimaliy atlantik ehdi teshkilatidiki muhim ittipaqdishimiz we térorluqqa qarshi turushtin tartip süriyediki toqunushni axirlashturushqiche bolghan nurghun sahelerde ortaq menpeetlirimiz bar. enqere bilen süriye siyasiti toghrisida dawamliq kéngishimiz» dégenlerni sözlirige ilawe qildi.
