türkiye yemende yüz bergen hujumni eyiblidi
türkiye yemenning eden waliysi ehmed hamid lamlasining aptomobil etritige qilinghan hujumni eyiblep we teziye bildürüp bayanat élan qildi.
türkiye awazi radiyosi xewiri: türkiye tashqi ishlar ministirliqi teripidin bu heqte élan qilinghan yazma bayanatta, mundaq déyildi: «yemenning eden wilayitide tünügün eden waliysi ehmed hamid lamlasining aptomobil etritige aptomobil bomba bilen hujum qilinghanliqi, hujumda adem ölüsh we yarilinish ehwali körülgenlikidin tolimu epsuslanghan halda xewer taptuq, bu qebih hujumni eyibleymiz, hujumda hayatidin ayrilghanlargha allah taaladin rehmet, yarilanghanlargha shipaliq tileymiz, dost we qérindash dölet yemen xelqi we hökümitige teziye bildürimiz.»
yemen uchur ishliri ministiri muemmer erriyani, ammiwi ortaqlishish tor béti Twitter sehipiside élan qilghan bayanatida, eden waliysi ehmed hamid lamlasining aptomobil etritining aptomobil bomba hujumigha uchrap, 6 kishining qaza qilghanliqi, 7 kishining yarilanghanliqini uqturghanidi.
eden waliysi ehmed hamid lamlasi, hujumdin kéyin élan qilghan bayanatida, ehwalining yaxshi ikenlikini bildürgenidi.
