altun merkez bankisi bashliqi toghrisidiki xewerlerning yalghanliqini otturigha qoydi

türkiye awazi radiyosi xewiri: jumhur reislik mehkimisi uchur – alaqe ishliri idarisi bashliqi fahrettin altun, engliye axbarat agéntliqi — réytérning türkiye merkizi bankisi bashliqi shahap kawjioghlu toghrisidiki xewirining yalghanliqini otturigha qoydi.

fahrettin altun özining ijtimaiy taratqudiki adrésida inglizche we türkche  uchur hembehrilep, «tashqi siyaset» zhurniliningmu türkiye heqqide yalghan xewer élan qilghanliqini eskertip, bu xewerni «yalghan xewer»ge ülge qilip körsetti.

u uchurida: «biz ilgiri yalghan xewerlerni ijtimaiy taratqularning mesilisi dep oylayttuq. emma hazir asasiy éqimdiki taratqularningmu oxshash mesilige duch kelgenlikini körüwatimiz. hetta chong axbarat organlirimu bu xil yalghanlarni asanla tarqitiwatidu. bu kishini endishige salidighan ehwal. (bu xewerlerning) her ikkisi yalghan» dégen ibarilerge orun berdi.