chawushoghlu opiliye muzéyini ziyaret qildi

türkiye awazi radiyosi xewiri: türkiye – ukraina birleshme istiratégiyelik pilan tüzüsh guruppisining 9 – nöwetlik yighinigha qatnishish üchün ukrainada ziyarette boluwatqan tashqi ishlar ministiri mewlüt chawushoghlu, ukrainada, birinchi dunya urushida galichya aldinqi sépide shéhit bolup ketken türk eskerler  yétiwatqan lopushinya we rohatindiki türk shéhitgahliqliridin kéyin, opiliye muzéyini ziyaret qildi.

chawushoghlu, ukraina tashqi ishlar ministiri kubéla bilen birlikte muzéy heqqide uchur igilep, bir – birige hediyelerni teqdim qilghandin kéyin, mundaq dédi: «resmiy uchrishishlirimizdin kéyinki bu ziyaritimiz hemmimizni cheksiz hayajangha tashlidi, shéhitlirimizni ziyaret qilduq, dua qilduq, ikki dölet otturisidiki munasiwetler heqiqiy dostluqqa asaslinidu, derweqe, men bügün ziyaret qilghan shéhitgahliqlirimiz bilen bu muzéy, dostluqimiz we hemkarliqimizning nahayiti uzungha sozulidighanliqini körsitidu, ötmüshimiz, ejdadlirimiz we tariximizdin uzuqlinip, kélechekkimu birlikte qedem tashlaymiz.»

u yene, uchrishishlarning nahayiti muweppeqiyetlik ötkenlikinimu sözlirige ilawe qildi.