italiye bash ministiri erdoghanni rimgha teklip qildi

türkiye jumhur reisi rejep tayyip erdoghan italiye bash ministiri mariyo dragi (Mario Draghi) bilen téléfonda körüshti.

1705037
italiye bash ministiri erdoghanni rimgha teklip qildi

türkiye awazi radiyosi xewiri: jumhur reis rejep tayyip erdoghan körüshüshte, nato ittipaqdishi italiyedin türkiyening ikki terep munasiwetlirige bergen ehmiyitige uyghun jawab körüshni xalaydighanliqlirini eskertti.

u italiyening türkiye-yawropa ittipaqi munasiwetlirining tereqqiy qildurulushigha we ezaliq musapisige qaritilghan pirinsipalliq qollishining küchlük shekilde dawamlishidighanliqigha ishinidighanliqini éytip, tamozhna birleshmisini yéngilash muzakirelirini baldurraq we shertsiz bashlashning, hemmige paydiliq ikenlikini, 18-mart köchmenler kélishiminimu bir pütün halda yéngilashning zörür ikenlikini qeyt qildi.

u yene, afghanistan talibanning kontrolluqigha ötkendin kéyin, dölette yéngi weziyetning peyda bolghanliqini, insanperwerlik yardemlirini yetküzüsh üchün taliban bilen alaqini saqlap qélish kéreklikini؛ undaq bolmighanda, «alliburun yuqiri pellige chiqqan» köch bésimining téximu küchiyidighanliqini tekitlidi.

liwiyediki saylamning waqtida ötküzülüshini qollaydighanliqlirini bayan qilghan rejep tayyip erdoghan, türkiye bolush süpiti bilen, liwiyening telipige asasen ikki terepning kélishimliri asasida qanunluq bixeterlik qisimlirini terbiyelesh we meslihet bérish xizmetliri bilen teminleydighanliqlirini tekitlidi.

italiye bash ministiri mariyo dragi rejep tayyip erdoghanni öktebirde öz dölitining riyasetchilikide rimda ötküzülidighan G-20 rehberler yighinigha teklip qildi.



مۇناسىۋەتلىك خەۋەرلەر