erdoghan: türkiye qanunsiz köchmenlikke qarshi küreshte yalghuz tashlap qoyuldi

jumhur reis rejep tayyip erdoghan: «türkiye süriyeni arqa körünüsh qilghan qanunsiz köchmenlikning aldini élish yolidiki pewquladde küreshte yalghuz tashlap qoyuldi» dédi.

1705416
erdoghan: türkiye qanunsiz köchmenlikke qarshi küreshte yalghuz tashlap qoyuldi

türkiye awazi radiyosi xewiri: jumhur reis erdoghan toqquz eylül uniwérsitéti bilen bashkent uniwérsitéti birliship  orunlashturghan arallar déngizi we girétsiye bilen qoshnidarchiliq munasiwetliri namliq muhakime yighinigha sin körünüshlük télégramma yollap: ««ege déngizi hemkarliq we tinchliqning simwoli bolushi kérek bolsimu, bextke qarshi, yéqinqi yillarda insaniy tiragédiyeler bilen küntertipke keldi. texminen 11 yildin buyan dawamlishiwatqan süriyediki ichki urush we qirghinchiliqtin qéchip kelgen minglarche köchmen, ege déngizida hayatidin ayrildi. musapirlarni öz zéminlirida bixeter we xatirjemlikke ige qilish qedemlirining héchbiri tashlanmidi. süriyelik zulumgha uchrighuchilargha yépilghan ishiklerning dölitimizde siyasiy özgirish qozghashqa urunup, 251 puqramizning qénini tökken fetö (fethullahchi térorluq teshkilati) jinayetchilirige adaqqiche échilishi insaniyetni insaniyetni xijil qilidighan bir ish» dédi.

erdoghan, girétsiyening bu kartina aldida türkiyening yaxshi niyetlik tirishchanliqigha töhpe qoshushning ornigha, ashurup telep qoyush siyasitini tézletkenlikini otturigha qoyup: «musapirlar kirizisi ikki döletning hemkarliqini kücheytishte muhim rol oynishi kérek bolsimu, bu tarixiy purset girétsiyening muresse qilmasliq pozitsiyesi sewebidin nabut qilindi» dédi.

türkiyening  bügünmu ege déngizining ilgirikige oxshash jiddiylik we toqunushning emes, belki dostluq bilen eske élishini arzu qilidighanliqini tekitligen erdoghan, bu chüshenche bilen özlirining hazirgha qeder jiddiylikni kücheytidighan terep bolmasliqqa ehmiyet bérip kelgenliklirini éytti.

jumhur reis erdoghan, déngiz teweliki salahiyet dairiliri, arallarning gheyriy eskiriy salahiyitining dexlige uchrishi we nawtéks (matroslargha uqturush) élanliri qatarliq qoshna grétsiyening weziyetni jiddiyleshtürgen qedemlirige qarita herdaim temkin heriket qilip kelgenliklirini, saqliniwatqan mesililerni diyalog we muzakiriler arqiliq hel qilishni aldinqi orungha qoyghanliqlirini xatiritilip ötti.

jumhur reis rejep tayyip erdoghan sözini dawamlashturup: «biz qoshnimiz girétsiyening heq we menpeetlirimizge hörmet qilishini, <qiliwaldim>lar we bir tereplime heriketlerdin saqlinishini ümid qilimiz. men girétsiye bilen heqqaniyet, adalet we hemkarliqni asas qilghan, qoshnidarchiliq exlaqini nezde tutqan halda mesililerge hel qilish charisi tapalaydighanliqimizgha ishinimen» dégenlerni qeyt qildi.



مۇناسىۋەتلىك خەۋەرلەر