иккинчи қетимлиқ мисир - түркийә сөһбити пайтәхт әнқәрәдә башланди
2013 – йили мисирда йүз бәргән һәрбий сийасий өзгириштин кейин мунасивити йериклишип кәткән әнқәрә билән қаһирә оттурисидики мунасивәтләр қайтидин башланди.
түркийә авази радийоси хәвири: май ейида түркийә җумһурийити муавин ташқи ишлар министири сәдат үнал башчилиқидики түрк һәйитиниң мисирниң пайтәхти қаһирәгә қаратқан икки күнлүк зийаритидин кейин, бүгүн мисир һәйити пайтәхт әнқәрәгә кәлди.
мисир муавин ташқи ишлар министири һәмди сәнәд лоза рийасәтчиликидики һәйәт билән түркийә тәрәп оттурисидики сөһбәтниң иккинчи басқучи башланди.
учришишлардин кейинки қәдәм, өзара баш әлчиләрни тәйинләш болиду. мунасивәтләр нормаллашса, икки дөләт оттурисида бир деңиз салаһийәт келишиминиң имзалинишиму күнтәртипкә келиду.
түркийә билән мисир оттурисидики дипломатик мунасивәтләр 2013 – йилидин буйан өзара дипломатик вәкил турғузуш дәриҗисидә давамлаштурулуп кәлмәктә.
бу мусапидә икки дөләтниң ташқи ишлар министирлири арисида һәр хил сәвәбләр түпәйли қисқа учришишлар өткүзүлди. мсиирниң әнқәрәдики әлчиханиси билән истанбулдики консулханиси вә түркийәниң қаһирәдики әлчиханиси билән искәндәриййәдики консулханиси хизмәтлирини давамлаштурмақта.
