chawushoghlu türkiyening afghanistan siyasiti toghrisida toxtaldi

ministir mewlüt chawushoghlu bir xususiy téléwiziye qanilining mexsus söhbet pirogrammisigha qatniship, küntertiptiki mesililerge dair soallargha jawab berdi.

1703960
chawushoghlu türkiyening afghanistan siyasiti toghrisida toxtaldi

türkiye awazi radiyosi xewiri: dölitimiz (türkiye jumhuriyiti) tashqi ishlar ministiri mewlüt chawushoghlu: «kabul ayrodurumining meshghulatigha munasiwetlik mesililerde qatar we amérika qoshma ishtatliri bilen birlikte, ikki basquchluq shekilde heriket qiliwatimiz» dédi.

ministir mewlüt chawushoghlu bir xususiy téléwiziye qanilining mexsus söhbet pirogrammisigha qatniship, küntertiptiki mesililerge dair soallargha jawab berdi.

türkiyening kabul ayrodurumining meshghulati toghrisida qatar we amérika bilen birlikte heriket qiliwatqanliqini bildürgen chawushoghlu: «ayrodurum nöwette bezi téxnikiliq ayropilan seperliri yaki insanperwer yardem buyumlirini élip barghan ayropilanlargha échildi. bir qanche dölet ichi yoluchilar ayropilani sepirimu bashlandi. tarqaqlashturulushi kérek bolghan kishiler bar. biz qaytip kélishni xalighan puqralirimizning köp qismini türkiyege qayturup kelduq؛ 1400 din artuq ademni tarqaqlashturduq» dédi.

chawushoghlu, türkiyening talibanni étirap qilip – qilmaydighanliqi toghrisidiki bir soalgha: «bu mesilide aldiraqsanliq qilmasliq kérek, pütkül dunyagha buni tewsiye qilimiz. sighdurushchan bir hökümet qurulushi؛ u hökümet peqet talibannila emes, barliq qatlamlarni öz ichige élishi kérek. xelqara jemiyet birlikte heriket qilishi lazim. ayallarningmu wekillik qilishini ümid qilimiz. sharait we özgirishlerge qarap heriket qilimiz» dep jawab berdi.

«türkiye bolush süpitimiz bilen afghanistanda bügüngiche insaniy we exlaqiy burchimizni bashqa barliq tereplerdin köp orundiduq» dégen mewlüt chawushoghlu, sözini dawamlashturup: «hemme shuni qobul qiliduki, türkiye bügüngiche yelkisige chüshken wezipisini orundidi. shuning üchün biz téximu köp köchmen yükini kötürelmeymiz. aldini élish kérek. köchmenlik mesiliside insaniy pozitsiyede boluwatimiz, emma bu bir xelqaraliq mesile» dégenlerni qeyt qildi.



مۇناسىۋەتلىك خەۋەرلەر