چاۋۇشئوغلۇ بىر قاتار تېلېفون دىپلوماتىيەسى ئېلىپ باردى

تۈركىيە ئاۋازى رادىيوسى خەۋىرى: تۈركىيە تاشقى ئىشلار مىنىستىرى مەۋلۈت چاۋۇشئوغلۇ بەھرەين تاشقى ئىشلار مىنىستىرى ئابدۇللاتىف بىن راشىد ئالزايانى ۋە ئۆزبېكستان تاشقى ئىشلار مىنىستىرى ئابدۇلئەزىز كامىلوۋ بىلەن ئايرىم-ئايرىم تېلېفوندا كۆرۈشتى.

تاشقى ئىشلار مىنىستىرلىقىنىڭ مەلۇماتلىرىغا ئاساسلانغاندا، مەۋلۈت چاۋۇشئوغلۇ بەھرەين تاشقى ئىشلار مىنىستىرى ئابدۇللاتىف بىن راشىد ئالزايانى بىلەن تېلېفوندا كۆرۈشكەندە، «ئىككى دۆلەت مۇناسىۋەتلىرى ۋە رايونلۇق مەسىلىلەر» نى مۇزاكىرە قىلغان. ئۆزبېكستان تاشقى ئىشلار مىنىستىرى ئابدۇلئەزىز كامىلوۋ بىلەن كۆرۈشكەندە بولسا، ئافغانىستان مەسىلىسىنى مۇزاكىرە قىلغان.