türkiye giwiniyediki herbiy siyasiy özgirishni eyiblidi

türkiye awazi radiyosi xewiri: türkiye jumhuriyiti tashqi ishlar ministirliqi teripidin élan qilinghan bayanatta: «biz giwiniyediki siyasiy özgirish qozghashqa urunush herikiti we pirézidént alfa kondéning tutqun qilinishini eyibleymiz we özgirishlerdin chongqur endishe qiliwatqanliqimizni bildürimiz» dégen ibarilerge orun bérildi.

«türkiye saylam arqiliq hakimiyet béshigha kelgen hökümetlerni qanunsiz almashturushqa urunush qilmishlirigha qarshi turidu» dégen nuqta alahide tekitlengen bayanatta, dost we qérindash giwiniyede asasiy qanunluq tertipining tézdin eslige keltürülüshi we pirézidént kondéning derhal qoyup bérilishining küchlük ümid qilinidighanliqi otturigha qoyuldi.

bayanatta mundaq déyildi: «türkiye bu qiyin we sezgür musapide dost we qérindash giwiniyening yénida turidu.»

giwiniye paytexti konakridiki pirézidéntliq mehkimisi sékutoréya bilen memuriy binalar jaylashqan kalum rayonidin qoral awazliri anglanghanidi.

weqe yüz bérip bir nechche saettin kéyin, alahide qisimlar qomandani polkownik mamadi dumboyaning hakimiyetni qoligha alghanliqi toghrisidiki bayanati orun alghan bir sin körünüsh ijtimaiy taratqularda orun alghan, shuning bilen birla waqitta pirézidént kondéning eskerler teripidin tutqun qilinghanliqigha dair körünüshlermu tarqalghanidi.