مەۋلۇت چاۋۇشئوغلۇ غەربىي تراكيا تۈركلىرىگە قىلىنىۋاتقان بېسىمغا نارازىلىق بىلدۈردى

تۈركىيە ئاۋازى رادىيوسى خەۋىرى: مەۋلۇت چاۋۇشئوغلۇ تىۋىتتېر ھېسابىدا، غەربىي تراكيا تۈرك ئاز سانلىقلار مەسلىھەتچىلەر ھەيئىتىنىڭ رەئىسى ۋە گۈمۈلجىنەنىڭ  سايلانغان مۇپتىسى ئىبراھىم شەرىپنىڭ: « 5 يىل ئىلگىرى ئالانكۇيۇلىك قېرىنداشلىرىمىز تەشكىللىگەن ئاممىۋى خەتنە قىلىش مەۋلىدىگە قاتناشقانلىقىمىز <مەنسەپ ئېگىلىۋىلىش> دەپ قوبۇل قىلىنىپ،. 7-ئۆكتەبىردە، سەلانىك بىدايەت سوت مەھكىمىسىگە چاقىرىلدۇق، ئاللاھ ياردەمچىمىز بولسۇن» دېگەن يازمىسىنى ھەمبەھىرلىدى.

مەۋلۇت چاۋۇشئوغلۇ گىرېتسىيەنىڭ غەربىي تراكيادا تۈركلەر تەرىپىدىن سايلانغان مۇپتىلارغا ئارىلىشىۋالىدىغان بەلگىلىمە ۋە بېسىم سىياسىتىنى توختىتىشى كېرەكلىكىنى تەكىتلەپ: «لوزان تىنچلىق شەرتنامىسى (1923) دىن كېلىپ چىققان ھەق- ھوقۇقلىرى ۋە دىنىي ئەركىنلىكلىرىنىڭ قوغدىلىنىشى جەھەتتە ئىرقداش -قېرىنداشلىرىمىزنىڭ يېنىدا بولىمىز » دېگەن سۆزلىرى بىلەن نارازىلىق بىلدۈردى.