кападокйани 7 айда 854 сайаһәтчи зийарәт қилди

түркийә авази радийоси хәвири: тәбиий, тарихий вә мәдәнийәт җәһәттики байлиқлири билән бирләшкән дөләтләр тәшкилати маарип, илим-пән вә мәдәнийәт оргини (UNESCO) ниң, «дунйа мәдәнийәт мираслири тизимлики» гә киргүзүлгән кападокйа, пәрибаҗалири (пәри турхунлири ), тәбиий қийа таш шәкиллири билән қапланған вадилири, қийа таштин ойулған тарихий манастир, черкав вә ибадәтханилиридин сирт йәнә, иссиқ һава шари сәйлисини өз ичигә алған һәр хил сайаһәт паалийәтлири билән йәрлик вә чәт әллик сайаһәтчиләрни өзигә җәлп қилмақта.

алдинқи йили йанвардин ийулғичә болған мәзгилдә, «ковид – 19» йуқумиға қарши күрәш тәдбирлири сәвәбидин 419 миң 905 йәрлик вә чәт әллик сайаһәтчи зийарәт қилған райондики музей вә харабиликләрни, бу йил охшаш мәзгилдә зийарәт қилған сайаһәтчиләрниң сани 854 миң 449 ға йәтти.

районда зийарәт әң көп ишқа ашқан ай ийул болди.

ваксина әмләш паалийәтлириниң кәң омумлишишиға әгишип, 2021 – йили бултурқиниң охшаш мәзгилдикигә селиштурғанда сайаһәтчиләр санида көзгә көрүнәрлик дәриҗидә ешиш көрүлди.

кападокйада зийарәтчиләр саниниң бу йилниң ахирлиғичә бир милйондин ешиши күтүлмәктә.