әрдоған от апәтлириниң сәвәбиниң тәкшүрүлүватқанлиқини билдүрди

түркийә авази радийоси хәвири: җумһур рәис рәҗәп таййип әрдоған истанбулда җүмә намизидин кейин муһим байанатларни елан қилди.

у: «бирла вақитта дөлитимизниң охшимиған җайлирида чиққан дала от апитигә мунасивәтлик тәкшүрүшләр җиддий шәкилдә давамлишиватиду. бу йәрдә һәр қандақ шәкилдики сүйиқәст вә униңға охшайдиған әһваллар барму, йоқ тәкшүрүлүватиду» деди.

у от өчүрүш үчүн пүткүл имканийәтләрниң сәпәрвәр қилинғанлиқини билдүрүп: «бүгүн (2021-йили 30ийул) дин башлап от өчүрүш айропиланлиримизниң сани 6-5 гә чиқти. буларниң ичидә русийәдин вә украинадин кәлтүрүлгән айропиланлар бар. әзәрбәйҗанму бир айропилан әвәтиду. 1140 нуқтида дала от апитигә қарши күрәш қилиниватиду. наһайити әпсуски 28-30-ийул күнлири ичидә 71 дала от апити йүз бәрди. булардин 57 си контрол қилинди. 14 җайдики отни контрол астиға елиш хизмәтлиримиз давамлишиватиду» деди.

у от апәтлириниң тәсиригә учриған һәр қандақ пуқрани зийанға учратмайдиғанлиқлирини қәйт қилди.

у вухән вирусиға қарши күрәш тоғрисидиму тохталди вә һазирғичә тәхминән 72 милйон данә ваксинаниң әмләнгәнликини қәйт қилди.

у дунйада ваксина әмләш имканийтигә игә болалмиған дөләтләрниң барлиқини, әмма түркийәниң бундақ қийинчилиққа дуч кәлмигәнликини тәкитләп, барлиқ тәдбирләрни алғанлиқлирини вә нормаллишиш қәдимини тезләштүрүшкә тиришиватқанлиқлирини қәйт қилди.