türkiyening uchquchisiz ayropilan  sahesidiki utuqliri yaponiye metbuatliridin orun aldi

dunyada türkiyening uchquchisiz ayropilani (İHA) we qoralliq uchquchisiz ayropilani (SİHA) ning utuqliri shundaqla türkiyening 2020-yildiki rayon xaraktérliq mesililerde oynighan ünümlük roli qizziq téma bolmaqta.

1682688
türkiyening uchquchisiz ayropilan  sahesidiki utuqliri yaponiye metbuatliridin orun aldi

 

türkiye awazi radiyosi xewiri: yaponiye médya orgini «nikkéy» bayqar mudapie shirkiti aldinqi hepte tonushturghan uchquchisiz küreshchi ayropilan sistémisi «MIUS» ning muweppeqiyiti heqqide bir maqale élan qildi.

maqalide türkiyening uchquchisiz ayropilanlirini öz ichige alghan mudapie sahesidiki muweppeqiyetliri chüshendürüldi we toqunushlarda qoralliq uchquchisiz ayropilani (SİHA) larning oynighan roli alahide tekitlendi.

maqalide yene, amérika tashqi ishlar ministirliqining sabiq jughrapiyelik siyaset meslihetchisi richard otzén teripidin mushu ay yézilghan bir dokllatqimu orun ajritildi.

richard otzén doklatta, 2020-yilining türkiyening küch - qudriti jehette burulush nuqtisi bolghanliqini otturigha qoyghan idi.

türkiyening qattiq küchini qandaq ishliteligenliki we bu wejidin türkiyeni chong küch süpitide qobul qilish kéreklikini otturigha qoyghan richard otzén, «türkiye iqtisadiy we herbiy küchtinmu bekrek heriket qilish iqtidari yuqiri bir küch» dégen idi.


خەتكۈچ: #yaponiye , #türkiye

مۇناسىۋەتلىك خەۋەرلەر