1595 térrorchi bir terep qilindi

bu yil kirgendin buyan térrorizmgha qarshi  küresh dairiside 1595 térrorchi bir terep qilindi.

1682288
1595 térrorchi bir terep qilindi

türkiye awazi radiyosi xewiri: türkiye dölet mudapie ministirliqi, yéqinqi 2 ay ichide  dölet ichi-sirtida térrorluq teshkilatlirigha qarshi 10 i chong tiptiki bolup, jemiy 40 herbiy heriket élip bérilghanliqini, bu yil kirgendin buyan, térrorizmgha qarshi  küresh dairiside 1595 térrorchining bir terep qilinghanliqini jakarlidi.

ministirliqning, 23 – aprél küni bashlanghan we iraqning shimalidiki metina we awashin – basyan rayonlirida birla waqitta élip bériliwatqan «penje – chaqmaq» we «penje – güldürmama» herbiy heriketlirining  muweppeqiyetlik halda dawamlishiwatqanliqi eskertilgen bayanatida, herbiy heriketler bashlanghandin buyan 215 térrorchining bir terep qilinghanliqi, 300 ge yéqin ghar, panah jayning, 600 din artuq partlatquchning yoqitilghanliqi, köp sanda qoral – yaragh, oq - dora we turmush buyumlirining qolgha chüshürülgenliki bildürüldi.

türkiyening quruqluq chégra liniyesini qoghdash we bixeterlikini kapaletke ige qilish meqsitide, chégra mudapie qisimlirining imkaniyiti we iqtidarining üzlüksiz tereqqiy qilduruluwatqanliqi qeyt qilinghan bayanatta, yéqinqi özgirishlerge asasen iran chégrasigha tégishlik qisimlarning  orunlashturulghanliqi we zapas qisimlarning ewetilgenliki, qisimlarning chégragha tajawuz qilish depsendichiliklirining aldini élish üchün paaliyet élip bériwatqanliqi tekitlendi.

türkiye armiyesining afghanistanda uda 6 yildin buyan kabul hamid karzai xelqara ayrodurumini bixeter ishlitish wezipisini öteshni izchil dawamlashturuwatqanliqi eskertilgen bayanatta, mundaq déyildi: «wezipe ötesh dawamlashqan teqdirde,  türkiye qisimlirining afghanistanda jeng qilish wezipisi bolmaydu , hemde özini qoghdashtin bashqa herbiy heriket élip bérish wezipisimu bolmaydu.»



مۇناسىۋەتلىك خەۋەرلەر