türkiye tashqi ishlar ministirliqi tunis weziyitidin endishe qiliwatqanliqini bildürdi

türkiye awazi radiyosi xewiri: türkiye tashqi ishlar ministirliqi tunista parlaméntning hoquqining tonglitip qoyulghanliqi toghrisida bayanat élan qildi.

bayanatta: «tunista xelqning iradisige wekillik qilidighan parlaméntning paaliyitining tonglitip qoyulghanliqidin chongqur endishe qilmaqtimiz. tunis asasiy qanunining munasiwetlik maddiliri ramkisida démokratik qanuniy salahiyetning qisqa waqit ichide qaytidin tesis qilinishini ümid qilimiz» déyildi.

tünügün (2021-yili 25-iyul) tunis pirézidénti qayis seid parlaméntning barliq hoquqini «30 kün» tonglatqanliqini, parlamnét ezaliriningmu alahide imtiyazlirini tonglatqanliqini uqturghan idi.

tunis pirézidénti qayis seid bash ministir hisham elméshishini wezipisidin qaldurghanliqini we özi wezipige teyinleydighan bash ministir bilen hökümetni ötküzüwalidighanliqini, chiriklik délolirini pash qilish meqsitide bash teptishlik wezipisinimu özi üstige alidighanliqini bildürgen idi.