erdoghan xitayni 0 ge qarshi 3 netije bilen meghlup qilghan ayallar komandisini alahide tebriklidi
jumhur reis rejep tayyip erdoghan 2020-yilliq tokyo olimpik tenheriket musabiqiside xitayni 0 ge qarshi 3 netije bilen meghlup qilghan memliketlik ayallar walibol komandisini alahide tebriklidi.
türkiye awazi radiyosi xewiri: erdoghan yashlar we tenterbiye ministiri mehmet muherrem kasapoghlu arqiliq yaponiyening paytexti tokyoda musabiqigha qatnishiwatqan memliketlik ayallar walibol komandisining kapitani eda erdem dundar bilen körüshti.
jumhur reis erdoghan kapitan edagha téléfon qilip, «siler bizni intayin hayajanlangha saldinglar, musabiqini birinchi saitidin tartipla kördüm , barliq qizlirimizgha söygü we muhebbetlirimizni yollaymen, seyshenbe küni inshaallah italiye komandisi bilen ötküzülidighan musabiqisinimu körimen» dédi.
a milliy komandimiz 2020-yili tokyoda ötküzülgen B guruppisidiki tunji meydan musabiqide eng axirqi olimpik chémpiyoni bolghan xitay komandisini 0 ge qarshi 3 netije bilen meghlup qilip, musabiqide yaxshi bir bashlinishni qolgha keltürgen idi.
memliketlik ayallar walibol komandisining 27-iyul seyshenbe küni italiye komandisi bilen ötküzüdighan musabiqisi türkiye waqti etigen saet 10.25 de bashlinidu.
