türkiye yawropa ittipaqini qibris réalliqidin bixewer qélish bilen eyiblidi

türkiye awazi radiyosi xewiri: türkiye jumhuriyiti tashqi ishlar ministirliqi bayanatchisi tanju bilgich, yawropa ittipaqi tashqi munasiwet we bixeterlik siyasiti yuqiri derijilik wekili, qoshumche yawropa ittipaqi komitéti muawin reisi josép borrélning, jumhur reis rejep tayyip erdoghanning shimaliy qibris türk jumhuriyitidiki ziyaritidin kéyin élan qilghan bayanati toghrisida toxtilip: «bu bayanat yawropa ittipaqining qibris réalliqidin qanchilik yiraqliship ketkenlikining yéngi ispati» dédi.

bayanatch tanju bilgich, josép borrélning qayta échish qarar qilinghan marash heqqidiki bayanatigha munasiwetlik bir soalgha yazma jawab berdi.

u, yawropa ittipaqi namidin élan qilinghan bu bayanatning (türkiyege nisbeten) inawetsiz hésablinidighanlinidighanliqini bayan qilip: «borrélning hörmetlik jumhur reisimizning shimaliy qibris türk jumhuriyitidiki ziyaritidin kéyin élan qilghan bayanati, yawropa ittipaqining qibris rialléqidin qanchilik yiraqliship ketkenlikining yéngi ispati. yawropa ittipaqi hemkarliqi namidin élan qilinghan we bizge nisbeten inawetsiz bolghan bu bayanat, yawropa ittipaqi ichide ret qilish hoquqini suyiistémal qilghan jenubiy qibris rim dairiliri bilen girétsiyening bayanatchiliqi we adwokatliqini qilishtin bashqa nerse emes. yawropa ittipaqining bu pozitsiyesi arqiliq qibris mesilisini hel qilishta her qandaq ijabiy rol oynishi mumkin emes» dégenlerni qeyt qildi.

türkiyening shimaliy qibris türk jumhuriyitining marashqa munasiwetlik qararini toluq qollaydighanliqini tekitligen bilgich, sözini dawamlashturup: «bu qararlar marashtiki mülük igilirining hoquqini qoghdashnimu meqset qilidu. jumhur reisimiz éytqandek, bu qararlar yéngi naheqchiliklerni peyda qilmaydu, eksiche kona naheqchiliklerni yoqitidu» dédi.

bilgich bayanatida, yawropa ittipaqini qibristiki réalliqni körüshke we «qibirs türkliri we ularning hoquqlirini nezerdin saqit qilish siyasitige xatime bérish»ke chaqirdi.