mustapa shentop bilen faxrettin koja qurban héyt tebriknamiisida muhim sözlerni qildi

türkiye awazi radiyosi xewiri: mustapa shentop pütkül dunya bilen birge türkiyedimu turmushqa éghir tesir körsetken kowid-19 wirusining qarangghuliqi ichide yene bir héytni tebrikleshning achchiq xushalliqini hés qiliwatqanliqini tilgha élip mundaq dédi:

«meyli qandaqla halette bolushimizdin qetiynezer, héytlirimizning bizni yéngilap, héssiyatimizni ijtimaiy xushalliq peytige aylanduridighanliqini bilimiz. héyt uqumi bizning barliq ümidsizlikimizni tazilap, bizni goya yéngi bir bashlinish nuqtisigha, yéngi bir ümid derwazisigha élip kélidu. men qurban héytimizning silerge yéqinliringlargha, wetinimizge we islam dunyasigha tinchliq, xatirjemlik we güllinish wesilisi bolushini téleymen, her biringlargha yürektin salam yollaymen»

sehiye ministiri faxrettin kojamu ijtimaiy alaqe hésabida qurban héyt munasiwiti bilen  tebrik sözi élan qildi.

«gerche yuqum téxi axirlashmighan bolsimu, emma bu héyt aldinqi üch bayramdin perqliq boldi. hazir waksina bar. milyonlighan kishi waksina  bilen emlendi. téxi waksina emlenmigenlermu arqa-arqidin emlenmekte» dédi.

jumhur reislik uchur- alaqe idarisi bashliqi fahrettin altunmu ijtimaiy alaqe hésabatida qurban héytni tebriklep sin élan qildi.