erdoghan shimaliy qibrista ziyarette bolidu

jumhur reis rejep tayyip erdoghan bügün dölet ishliri ziyaritide bolush üchün shimaliy qibris türk jumhuriyitige yétip baridu.

1677293
erdoghan shimaliy qibrista ziyarette bolidu

türkiye awazi radiyosi xewiri: jumhur reislik mehkimisi uchur – alaqe ishliri idarisining bildürüshiche, erdoghan shimaliy qibris türk jumhuriyiti jumhur reisi ersin tatarning teklipige biinaen, 19 – 20 – iyul künliri shimaliy qibris türk jumhuriyitide dölet ishliri ziyaritide bolidiken.

ziyaret dairiside, jumhur reis rejep tayyip erdoghan shimaliy qibris türk jumhuriyiti mejlisining alahide yighinida nutuq sözlaydiken, hemde bu  yerde bir xush xewerni béridiken.

jumhur reis erdoghan, «20 – iyul tinchliq we erkinlik bayrimi küni» munasiwiti bilen ötküzülidighan bir murasimghimu qatnishidiken.

jumhur reis rejep tayyip erdoghan bilen shimaliy qibris türk jumhuriyiti jumhur reisi ersin tatarning uchrishishida, sherqiy aqdéngizdiki yéqinqi özgirishlerdin sirt yene, türkiye bilen shimaliy qibris türk jumhuriyiti otturisidiki munasiwetler keng dairilik muzakire qilinidiken, hemde «qibris dawasi» heqqide özara pikir almashturulidiken.

erdoghan, ziyaret esnasidan yene, shimaliy qibris türk jumhuriyiti jumhur reisi ersin tatar bilen birlikte shimaliy qibris türk jumhuriyitide qurulushi tamamlanghan türlük layihelerni ishqa kirishtürüsh we qurulushini bashlash paaliyetliri üchün ötküzülidighan ammiwi murasimgha ishtirak qilidiken.



مۇناسىۋەتلىك خەۋەرلەر