түркийә ғәззәгә инсанпәрвәрлик йардәм қилди

түркийә авази радийоси хәвири: түркийә қизилай җәмийитиниң инсанпәрвәрлик йардәм буйумлири бесилған йүк аптомобиллири рәфаһ чегра еғизидин өтүп, қамал астидики ғәззә райониға йетип барди.

мисир билән ғәззә оттурисидики бирдинбир қуруқлуқ чегра еғизи болған рәфаһтин өтүп, районға йетип барған 10 йүк аптомобиллиқ инсанпәрвәрлик йардәм буйумлири, пәләстин қизилай җәмийитигә тапшуруп берилди.

инсанпәрвәрлик йардәм буйумлири, йемәк - ичмәк буйумлиридин сирт йәнә, теббий лазимәтликләр, тазилиқ буйумлири вә кийим – кечәкләрдин тәшкил тапиду.

исраилийә тәхминән 2 милйон пәләстинлик йашаватқан ғәззә районини 2006 – йилдин буйан қуруқлуқ, деңиз вә һавадин қамал астида тутмақта.