shentop yawropa edliye sotigha naraziliq bildürdi

türkiye awazi radiyosi xewiri: shentop, bu heqte élan qilghan yazma bayanatida, yawropa ittipaqi edliye sotining, yaghliq chégidighan ayallarning din we étiqad erkinlikige qarshi chiqarghan qararining köp jehettin xeterlik ikenlikini eskertish bilen bir waqitta, bundaq qararlarning yawropada yashawatqan musulmanlarning asasliq heq – hoquqliri we erkinliklirini ochuq - ashkara depsen qiliwatqanliqini, ammiwi tinchliq, oxshimighan étiqad sahiblirining birlikte yashishi we étiqadqa asaslinidighan ayrimchiliq teripi bilen bundaq qararlarning selbiy netijilirining bolidighanliqini qeyt qildi, hemde din we étiqad erkinlikining, melum bir din, yaki herqandaq bir dunya qarishining pirinsipliri nezerge élinip tamamlinalmaydighanliqini tekitlep mundaq dédi: «yawropa ittipaqi edliye sotining qarari, tolimu epsuski, yawropani öz ichige alghan pütkül dunyada türlük bahaniler bilen musulmanlarning dölet orunlirida erkin bir shekilde mewjut bolushlirigha tosalghu bolushqa urunuwatqanlarning qilmishliri seweb boluwatqan qattiq endishilerning toghra ikenlikini ispatlap bermekte. yawropa ittipaqi edliye soti we xelqara kishilik hoquq sot mehkimilirini öz ichige alghan pütkül dunyadiki qarar chiqirish organlirining asasliq wezipisi؛ abstrakt uqumlargha tayinidighan asasliq heq – hoquqlar we erkinliklerge arilishishni aqlashning ornigha, barliq din we étiqad mensuplirining ayrimchiliqqa duch kelmestin, din we étiqad erkinlikidin behrimen bolushini ishqa ashurushqa tirishishtur.»