erdoghan: fetöchilargha eng axirqi ezasi yoqitilip bolghuche iz qoghlap zerbe bérimiz
jumhur reis rejep tayyip erdoghan, hökümetning fethullahchi térrorluq teshkilatigha eng axirqi ezasi bir terep qilinip bolghuche iz qoghlap zerbe béridighanliqini éytti.
türkiye awazi radiyosi xewiri: jumhur reis erdoghan, partiyesi (adalet we tereqqiyat partiyesi)ning türkiye büyük millet mejlisidiki guruppa yighinidiki sözide, ete 15 – iyul herbiy – siyasiy özgirish qozghashqa urunush herikitining 5 – yilliq xatire küni ikenlikini eskertip: «mejlisimiz (parlaméntimiz) u kéche jesur pozitsiyesi bilen ghaziliq unwanigha layiq ikenlikini yene bir qétim namayan qildi. fetö (fethullahchi térrorluq teshkilati)ning hazirmu dölitimizge hujum qilishni arzu qiliwatqan ezalirining barliqi éniq. din tonigha oruniwélip xelqni sümüridighanlarghimu yol qoymaymiz» dégenlerni qeyt qildi.
«barliq térrorluq teshkilatlirigha qarshi kürishimizni qilche yol qoymastin qandaq qetiylik bilen dawamlashturuwatqan bolsaq, fetögimu oxshash usulda eng axirqi ezasi bir terep qilinip bolghuche iz qoghlap zerbe bérimiz» dégen erdoghan, sözini dawamlashturup: «dölitimizning bixeterliki buningdin kéyin chégralirimizning ichidila emes, tehditler qeyerde bolsa, shu yerdin bashlinidu» dédi.
