nikos déndiyas: «erdoghan rayonda muhim bir rehber»
girétsiye tashqi ishlar ministiri nikos déndiyas jumhur reis rejep tayyip erdoghanning rayonda muhim bir rehber ikenlikini éytti.
türkiye awazi radiyosi xewiri: nikos déndiyas qatnashqan bir téléwiziye programmisida enqere-afina munasiwetliri üstide toxtaldi.
déndiyas programmida jumhur reis erdoghanning türkiyening özgirishide oynighan roligha hemmining diqqitini tartip, «türkiyening yolgha qoyghan siyasitige dair köz qarishi meyli qandaq bolushidin qetiynezer, jumhur reis erdoghan rayonda muhim bir rehberdur. uning bilen söhbetleshkende , erdoghanning hayatini qeyerdin bashlighanliqi, dölitining fiziologiyesini qandaq özgertkenliki we uni qandaq qilip küchlük halgha keltürgenlikini nezerde tutishimiz lazim» dédi.
ikki dölet otturisidiki mesililerni jumhur reis erdoghan bilen bash ministir kiryakos michotakisning hel qilalaydighanliqini tilgha alghan déndiyas: «men her daim ikki rehberning özara we yüzturane uchrishishni qollap keldim. shunga eger mesililerni hel qilishta bir ümid bolsa, umu del michotakisning erdoghan bilen körüshüshi arqiliq bolidighanliqigha ishinimen» dédi.
nikos déndiyas jumhur reis erdoghangha özining istratégiyesi we öz qimmet qarishi bilen heriket qilidighan rehber dep qaraydighanliqini eskertti.
