aqar qirghizistan pirézidénti bilen körüshti

türkiye awazi radiyosi xewiri:  qirghizistan dölet mudapie ministiri général mayor taalaybék omuraliéwning teklipige biinaen qirghizistangha yétip barghan  dölet mudapie ministiri xulusi aqarning paytext bishkektiki uchrishishliri dawamlashmaqta.

ministir aqar, ziyaretliri dairiside, qirghizistan pirézidénti sadir japparow teripidin pirézidént mehkimiside qobul qilindi.

uchrishishta, aqarning, dölet bashliqlirining riyasetchilikide chaqirilghan «türkiye – qirghizistan istiratégiyelik aliy hemkarliq kéngishi yighini» ning ikki dölet munasiwetlirining uchqandek tereqqiy qilishida muhim rol oynawatqanliqi hem kélechekke qarita yol xeritisi sizip bériwatqanliqini eskertkenliki؛ bu dairide dölet mudapiesi, bixeterlik we mudapie sanaiti mesililirinimu öz ichige alghan köpligen sahelerde hemkarliqni chongqurlashturush iradilirining qetiylikini tekitligenliki, hemde fethullahchi térrorluq teshkilatigha qarshi küreshte hemkarliqning nahayiti zor ehmiyetke ige ikenlikini qeyt qilghanliqi bildürüldi.

aqar, ziyaretliri dairiside, «sehradiki dana qelemkesh» dep atalghan dunyagha dangliq qirghiz edebiyatchi we diplomat chinggiz aytmatowning muzéyinimu ziyaret qildi.

ziyarettin kéyin, muzéyning sherep deptirini imzalighan ministir aqar, qirghizistandiki uchrishishlirini axirlashturghandin kéyin, tajikistangha yürüp ketti.