chawushoghlu italiyede bir qatar uchrishishlarni élip bardi
tashqi ishlar ministiri mewlüt chawushoghlu 20 – g guruhining nöwetchi reisi italiyening tarixiy matéra shehiride sahibxaniliq qiliwatqan 20 – g guruhi tashqi ishlar ministirliri yighin esnasida bezi kespdashliri bilen ikki tereplik uchrishishlarni élip bardi.
türkiye awazi radiyosi xewiri: tashqi ishlar ministiri mewlüt chawushoghlu 20 – g guruhining nöwetchi reisi italiye tarixiy matéra shehiride sahibxaniliq qilghan 20 – g guruhi tashqi ishlar ministirliri yighini esnasida bezi kespdashliri bilen ikki tereplik uchrishishlarni élip bardi.
chawushoghlu, yighinda qilghan sözide, 20 – g guruhining «kowid – 19» yuqumigha qarshi küreshte bashlamchiliq rol oynishi, ashqun riqabetning emes, hemkarliqning asas bolushi lazimliqini éytti.
ministir chawushoghlu, ammiwi ortaqlishish tor béti Twitter sehipiside élan qilghan bayanatida, yighinda toxtalghan mesililer heqqide melumat bérip mundaq dédi: «sijil, keng dairilik we saghlam yer shari xaraktérlik tereqqiyat tirishchanliqlirini qollaymiz, 20 – g guruhi, <kowid – 19> yuqumigha qarshi küreshte bashlamchiliq rol oynishi, ashqun riqabet emes, hemkarliq asas bolushi lazim. afriqadiki özgirishlerge qarita süküt qilalmaymiz.»
bu ariliqta, tashqi ishlar ministirliri yighini axirlashqandin kéyinn tashqi ishlar we tereqqiyat ishliri ministirliri ortaq yighini bashlandi.
chawushoghlu, 20 – g guruhi tashqi ishlar ministirliri yighini esnasida, bezi kespdashliri bilen ikki tereplik uchrishishlarni élip bardi.
u, ammiwi ortaqlishish tor béti Twitter sehipiside élan qilghan bayanatida, yighin esnasida, engliye tashqi ishlar weziri dominik raab bilen körüshüp, türkiye - engliye munasiwetliri, süriye we liwiyeni öz ichige alghan rayonluq mesililer heqqide muzakire élip barghanliqlirini bildürdi.
ministir chawushoghlu, ammiwi ortaqlishish tor béti Twitter sehipiside élan qilghan bashqa bir uchurida, argéntina diplomatiye ministiri sola bilen körüshüp, ikki dölet otturisidiki siyasiy we iqtisadiy munasiwetler heqqide muzakire élip barghanliqlirini qeyt qildi.
diplomatik menbelerning bildürüshiche, chawushoghlu, amérika qoshma ishtatliri tashqi ishlar ministiri antoni blinkén, nigér tashqi ishlar ministiri hassomi massodo, aljiriye tashqi ishlar ministiri sabri buqadum, riwanda tashqi ishlar ministiri winsént biruta qatarliqlar bilenmu ikki tereplik uchrishishlarni élip barghan.
