türkiye 1-iyuldin bashlap normallishish basquchigha ötidu

türkiye 1-iyuldin bashlap wuxen wirusi (Kovid-19) gha qarshi turush kürishi dairiside, tedrijiy normallishishning üchinchi basquchigha ötidu.

1665872
türkiye 1-iyuldin bashlap normallishish basquchigha ötidu

türkiye awazi radiyosi xewiri: ichki ishlar ministirliqi tedrijiy normallishishning üchinchi basquchigha munasiwetlik höjjet chiqardi, bu höjjet 81 wilayetning waliy mehkimilirige ewetildi.

buninggha asasen, sirtqa chiqish we sheherler ara qatnash cheklimiliri 7-ayning 1-küni (2021) din bashlap axirlishidu.

höjjetke asaslanghanda, tedbir dairiside soda paaliyetlirini toxtatqan barliq soda-tijaret orunliri we kinoxanilar 7-ayning 1-künidin bashlap qayta échilidiken.

7-ayning 1-künidin bashlap, barliq soda orunliri ijazetnamidiki paaliyet dairisige asasen békitilgen échilish-taqilish waqti arisida mulazimet qilalaydu.

wuxen wirusigha qarshi turush dairiside, taziliq, maska we ijtimaiy musape qaidisige riaye qilinghan halda, méhmanxanilardiki cheklimiler we tedbirler toxtitilidu.

öy ichi we sirtidiki yémek-ichmek sorunlirida, birla waqitta bille bolalaydighanlarning sanigha cheklime qoyulmaydu.

toy we nikah murasimlirida yépiq jaylargha qoyulghan qatnashquchilar cheklimisi bikar qilinidu, yémek-ichmek bilen teminleshke bolidu.

konsért, féstiwal, yashlar dala lagéri qatarliq paaliyetlerge, békitilgen pirinsiplargha emel qilinghan halda ruxset qilinidu.

bangladésh, biraziliye, jenubiy afriqa, hindistan, népal we siri lanka qatarliq döletlerdin türkiyege kelgen kishiler we yéqinqi 14 künde bu döletlerde turghanlarni mejburiy karantin qilish emeldin qaldurulidu. bu kishilerning türkiyege kirishtin kem dégende 72 saet burunqi netijisi menpiy bolghan wuxen wirusigha munasiwetlik salametlik tekshürüsh netijisi yéterlik bolidu.

afghanistan we pakistandin türkiyege kelgenler we yéqinqi 14 künde bu döletlerde turghanlarni mejburiy karantin qilish mudditi 10 künge qisqartilidu. eger karantinning 7-küni salametlik tekshürüsh netijisi menpiy bolsa, mejburiy karantin qilish axirlishidu. eger salametlik tekshürüsh netijisi musbet bolsa, sehiye ministirliqining wuxen wirusi körsetmisi boyiche chare körülidu.



مۇناسىۋەتلىك خەۋەرلەر