türkiye shimaliy qibris türk jumhuriyitige ot öchürüsh tik ucharliri orunlashturdi

türkiye awazi radiyosi xewiri: shimaliy qibris türk jumhuriyitining paytexti lefkoshadiki  sanaet rayonidiki ormanchiliq idarisi jaylashqan sahege orunlashturulghan ot öchürüsh tik ucharliri, shimaliy qibris türk jumhuriyiti yéza igilik we tebiiy bayliqliri ministiri nazim chawushoghlugha tapshurup bérildi.

nazim chawushoghlu, türkiye yéza igilik we ormanchiliq ishliri bash idarisi shimaliy qibris türk jumhuriyitige orunlashturghan ot öchürüsh tik ucharlirining, 2010 – yildin buyan orman ot apetlirige qarshi küresh dairiside imzalanghan kélishim layihesining bir parichisi ikenlikini éytti.

ot apetlirige téximu baldur mudaxile qilish jehettin ot öchürüsh tik ucharlirining shimaliy qibris türk jumhuriyitige orunlashturulushining nahayiti zor ehmiyetke ige ikenlikini eskertken nazim chawushoghlu, shimaliy qibris türk jumhuriyitining bundaq tik uchar ayropilanlarni sétiwélishqa küchi yetmeydighanliqini, yaki dölette qoghdilip, orunlashturulushigha uyghun emeslikini, shunga, jumhur reis rejep tayyip erdoghanni öz ichige alghan türkiye dairilirining qizghin qollishi hem yardimi astida ot öchürüsh tik ucharlirining shimaliy qibris türk jumhuriyitige orunlashturulghanliqini qeyt qildi.

ot öchürüsh tik ucharlirining shimaliy qibris türk jumhuriyitige orunlashturulushigha hesse qoshqan jumhur reis rejep tayyip erdoghan we xizmet guruppisigha minnetdarliq bildürgen nazim chawushoghlu, ot öchürüsh tik ucharlirining uchquchiliri we téxnik xadimlardinmu uchur igilidi.

igilinishiche, kamow 32 qosh ana motorluq we  12 ming 700 kilogiram éghirliqtiki ot öchürüsh tik ucharliri, 3.5 tonna su pürküsh iqtidarigha ige iken.