chawushoghlu liwiye yighinida türkiyening liwiyege yar - yölek bolushni dawamlashturidighanliqini bildürdi
dölitimiz (türkiye jumhuriyiti) tashqi ishlar ministiri mewlüt chawushoghlu, liwiyege munasiwetlik ikkinchi nöwetlik bérlin yighinigha ishtirak qildi.
türkiye awazi radiyosi xewiri: dölitimiz (türkiye jumhuriyiti) tashqi ishlar ministiri mewlüt chawushoghlu, liwiyege munasiwetlik ikkinchi nöwetlik bérlin yighinida, liwiyening tinchliq, bixeterlik, muqimliq we igilik hoquqini qoghdash xizmetlirige yéqindin yar – yölek bolushni dawamlashturidighanliqlirini tekitligenlikini bildürdi.
mewlüt chawushoghlu twittérdiki adrésida bayanat élan qilip, birleshken döletler teshkilati (b d t) bilen gérmaniyening teng hoquqluq riyasetchilikide gérmaniyening paytexti bérlinda chaqirilghan liwiyege munasiwetlik ikkinchi nöwetlik bérlin yighinigha ishtirak qilghanliqini bildürdi.
chawushoghlu bayanatida: «liwiyening tinchliq, bixeterlik, muqimliq we igilik hoquqini qoghdash xizmetlirige yéqindin yar – yölek bolushni dawamlashturidighanliqimizni tekitliduq» dégen ibarilerge orun berdi.
b d t bilen gérmaniyening himayiside türkiyeni öz ichige alghan xelqara küchlerning ishtirak qilishi bilen chaqirilghan ikkinchi nöwetlik liwiye yighinida, liwiyening muqimliq we bixeterlik mesililiri muzakire qilindi.
liwiye kirizisini siyasiy yollar bilen hel qilish meqsitide 2020 – yili 19 – yanwarda birinchi qétimliqi chaqirilghan yighinning ikkinchi qétimliqigha, liwiyening pirézidéntliq kéngishi bashliqi muhemmed elmenfi we bash ministir abdulhemid dibeybe, dölitimiz (türkiye jumhuriyiti) tashqi ishlar ministiri mewlüt chawushoghlu we liwiye bilen munasiwetlik bashqa bir qisim döletlerning tashqi ishlar ministirliri ishtirak qildi.
مۇناسىۋەتلىك خەۋەرلەر
iraq we süriyede 75 térrorchi bir terep qilindi
iraq we süriyening shimalida térrorchilargha ejellik zerbe bérilmekte.