чавушоғлу ливийә йиғинида түркийәниң ливийәгә йар - йөләк болушни давамлаштуридиғанлиқини билдүрди
дөлитимиз (түркийә җумһурийити) ташқи ишлар министири мәвлүт чавушоғлу, ливийәгә мунасивәтлик иккинчи нөвәтлик берлин йиғиниға иштирак қилди.
түркийә авази радийоси хәвири: дөлитимиз (түркийә җумһурийити) ташқи ишлар министири мәвлүт чавушоғлу, ливийәгә мунасивәтлик иккинчи нөвәтлик берлин йиғинида, ливийәниң тинчлиқ, бихәтәрлик, муқимлиқ вә игилик һоқуқини қоғдаш хизмәтлиригә йеқиндин йар – йөләк болушни давамлаштуридиғанлиқлирини тәкитлигәнликини билдүрди.
мәвлүт чавушоғлу твиттердики адресида байанат елан қилип, бирләшкән дөләтләр тәшкилати (б д т) билән германийәниң тәң һоқуқлуқ рийасәтчиликидә германийәниң пайтәхти берлинда чақирилған ливийәгә мунасивәтлик иккинчи нөвәтлик берлин йиғиниға иштирак қилғанлиқини билдүрди.
чавушоғлу байанатида: «ливийәниң тинчлиқ, бихәтәрлик, муқимлиқ вә игилик һоқуқини қоғдаш хизмәтлиригә йеқиндин йар – йөләк болушни давамлаштуридиғанлиқимизни тәкитлидуқ» дегән ибариләргә орун бәрди.
б д т билән германийәниң һимайисидә түркийәни өз ичигә алған хәлқара күчләрниң иштирак қилиши билән чақирилған иккинчи нөвәтлик ливийә йиғинида, ливийәниң муқимлиқ вә бихәтәрлик мәсилилири музакирә қилинди.
ливийә киризисини сийасий йоллар билән һәл қилиш мәқситидә 2020 – йили 19 – йанварда биринчи қетимлиқи чақирилған йиғинниң иккинчи қетимлиқиға, ливийәниң пирезидентлиқ кеңиши башлиқи муһәммәд әлмәнфи вә баш министир абдулһәмид дибәйбә, дөлитимиз (түркийә җумһурийити) ташқи ишлар министири мәвлүт чавушоғлу вә ливийә билән мунасивәтлик башқа бир қисим дөләтләрниң ташқи ишлар министирлири иштирак қилди.
