akar afghanistan toghrisida amérika heyiti bilen körüshidighanliqini bildürdi

türkiye awazi radiyosi xewiri: türkiye dölet mudapie ministiri hulusi akar afghanistandiki kabul hamid karzayi xelqara ayrodurumini qoghdash ishlirini muzakire qilish üchün amérikadin bir téxnikiliq heyetning ete (2021-yili 24-iyun) türkiyege kélidighanliqini bildürüp: «afghanistandiik mewjutluqimizni dawam qilish yaki dawam qilmasliq toghrisida uchrishish ötküzüwatimiz. hemme ish afghanistan xelqining bixeterliki we parawanliqi üchündur» dédi.

u bayanatida: «afghanistan bilen bizning yüz yillargha tutishidighan tarixi, medeniyet munasiwetlirimiz bar. afghanistan xelqi bizning qérindishimiz. qérindashlirimizning u yerdiki xatirjemliki we bixeterliki üchün 20 yildin buyan bashqa döletler bilen birlikte qolimizdin kélishiche tirishchanliq körsettuq. bolupmu, yéqinqi alte yilda kabuldiki hamid karzayi xelqara ayrodurumining bashqurulushi we téxnikiliq jehettin qollashta küchimizning bériche gheyret qilduq» dédi.

u hamid karzayi xelqara ayrodurumining nurghun sahelerdiki ehmiyiti üstide toxtilip: «ayrodurumning xizmet bérishi afghanistan xelqige paydiliq. bu menidin éytqanda, her qaysi döletler özlirining xizmetlirini dawamlashturuwatidu. bizmu bashqa döletler bilen uchrishishlirimizni dawamlashturuwatimiz. ete amérika heyiti bilen körüshimiz. birlikte afghanistanliq qérindashlirimizning bixeterlikige we parawanliqigha qandaq hesse qoshalaydighanliqimiz üstide izdinimiz. aldimizdiki künlerde, bu xizmetler axirlashqanda, qandaq tedbirlerni alidighanliqimiz toghrisida pilan tüzülidu» dédi.

u bügün (2021-yili 23-iyun) rusiye ayropilanining engliye paraxotigha agahlandurup oq chiqarghanliqi toghrisidimu toxtaldi.

u : «bu ishning heqiqiy ehwalini bilishke tirishiwatimiz. bir qanche saet ichide éniq uchur otturigha chiqidu. ehwalni yéqindin közitiwatimiz» dédi.