b d t türkiye wekili: toqunushlarla bolidiken, musapirlar mesilisi mewjut bolushni dawamlashturidu

türkiye awazi radiyosi xewiri: filippé léklérk «20 – iyun dunya musapirlar küni» munasiwiti bilen anadolu agéntliqining soallirigha jawab berdi.

ötken yilining dunya miqyasida mejburiy yurt – makanliridin mehrum qilish ehwali üzlüksiz dawamlashqan toqquzinchi yil bolghanliqini bildürgen léklérk: «b d t musapirlar aliy komissarliqining eng yéngi yilliq dunya weziyiti doklatigha asaslanghanda, kowid – 19 yuqumigha qarimay, 2020 – yili urushlar, zowaranliq weqeliri, zulum we kishilik hoquq depsendichilikliridin qachqanlar sani 82 milyon 400 minggha yetti» dédi.

u, 18 yashtin töwen qiz – oghullarning mejburiy yurt – makanliridin mehrum qilinghanlar omumiy nisbitining %42 ini teshkil qilidighanliqigha isharet qilip ötti.

léklérk, döletlirini tashlap bashqa yerlerge kétishke mejbur bolup qalghanlarning üchtin ikkisidin köprekining peqet süriye, wénézuéla, afghanistan, jenubiy sudan we birmaliqlar ikenlikini qeyt qildi.

u, türkiyening texminen 3 milyon 700 mingi süriyelik bolup, jemiy 4 milyon musapirgha arqa – arqidin yette yildin buyan sahibxanliq qiliwatqanliqini tekitlep: «toqunushlar dawamlishidighanla bolsa, musapirlarmu mewjut bolushni dawamlashturidu. musapirliq mesilisining hel bolushi siyasiy charilerni tépip chiqishni teqezza qilidu.» dédi.

türk xelqi we rehberlirining mertliki we méhmandostluqidin minnetdar ikenlikini bildürgen léklérk, musapirlarni qoghdash, saqliniwatqan mesililirini hel qilish we yardem bérish qatarliq barliq sahelerdiki hemkarliq we söhbet mesiliside türkiye we uning munasiwetlik organlirigha hemdem bolidighanliqi toghrisidiki wedisini tekrarlap: «musapirlar kirizisigha mudaxile qilish we musapirlargha yardem bérish dunyawi, shundaqla ortaq mesuliyet. yurt – makanidin mehrum qilinish musheqqitini yéngish birla döletning mesuliyiti bolmasliqi lazim» dédi.