izmirda nurghun köchmen qutquzuwélindi
izmirning dikili we qaraburun nahiyeliride girétsiye dölet xewpsizlik küchliri teripidin türkiyening déngiz tewelikige qayturuwétilgen 51 köchmen qutquzuwélindi.
türkiye awazi radiyosi xewiri: sahil bixeterlik qomandanliq ishtabi etretliri, dikili nahiyesining bademli déngiz sahillirida bir guruppa köchmenning körülgenlikidin xewer tapqandin kéyin, derhal rayongha yétip bérip, girétsiye dölet xewpsizlik küchliri teripidin türkiyening déngiz tewelikige qayturuwétilgen 21 köchmenni qutquzuwaldi.
qaraburun nahiyesi déngiz sahilliridimu 31 köchmen qutquzuwélindi.
köchmenler resmiyetlirining tamamlinishidin kéyin, wilayetlik köchmenler idarisigha tapshurup bérildi.
balikesirning aywaliq nahiyesi déngiz sahilliridimu 49 köchmen qutquzuwélindi.
sahil bixeterlik qomandanliq ishtabi etretliri, maden ariliri sahillirida bir guruppa tertipsiz köchmenning körülgenlikidin xewer tapqandin kéyin, derhal rayongha yétip bérip, girétsiye sahil bixeterlik etretliri teripidin türkiyening déngiz tewelikige qayturuwétilgen 49 köchmenni qutquzuwaldi.
