firansiye türkiyeni sayahet cheklimisi qoyulghan «qizil tizimliktiki döletler» qataridin chiqardi
firansiye türkiyeni kowid-19 yuqumining aldini élish üchün sayahet cheklimisi qoyulghan «qizil tizimliktiki döletler» qataridin chiqarghanliqini élan qildi.
türkiye awazi radiyosi xewiri: türkiyening parizhda turushluq bash elchisi eli onaner tiwittér hésabida élan qilghan bayanatida, «firansiye tarmaqlirigha yollighan) melumatlar netijiside, firansiyening sayahet cheklimisi qoyulghan döletler tizimlikide türkiyeni qizil rengdin apélsin rengge özgergenlikini éytti.
onaner: «barliq sayahet qilghuchilargha saghlam we güzel dem élishini tileymen» dédi.
shundaq qilip türkiyedin firansiyege baridighan yoluchilar üchün mejburi 10 künlük karantina bikar qilinghan boldi.
firansiye yuqum ehwaligha qarita döletlerni yéshil, apélsin we qizildin ibaret 3 ayrim tizimlikke qoyghan bolup, yéshil tizimliktiki döletlerde wirusning aktip tarqalmighanliqi we kowid-19 wariyantlirining endishe peyda qilmaydighanliqi, apélsin tizimlikidiki döletlerde, kowid -19 ning aktip halda tarqalghanliqi, emma kontrolluq astigha élinghanliqi we qizil tizimliktiki döletlerde, wirusning aktip tarqiliwatqanliqi hemde wirus wariyantlirining kishini chöchütidighan derijide ikenliki bildürülidu.
